Kompas Pastorale Bedieninge: Getrou tot die dood

Die Here verwag van ons om getrou te bly

tot die dood toe.

Nie om getrou te bly net tot en met teleurstelling nie.

2 Kronieke 16:9: “Want die oë van die HERE deurloop die hele aarde om diegene kragtig te ondersteun wie se hart onverdeeld op Hom gerig is”

Horatio Spafford (1828-1888) was 'n welgestelde Chicago prokureur met 'n vooruitstrewende regspraktyk, 'n pragtige huis, 'n vrou, vier dogters en 'n seun. Hy was ook 'n toegewyde Christen en getroue student van God’s Woord. Op die hoogtepunt van sy finansiële en professionele sukses, het Horatio en sy vrou Anna twee reuse terugslae beleef: Eers die tragiese afsterwe van hul jong seun en kort daarna op 8 Oktober 1871, het die Groot Chicago Vuur byna elke gebou wat Spafford besit het tot as verbrand.

’n Kunstenaar se voorstelling van die Groot Chicago Vuur

Die groot Chicago brand word beskou as een van die grootste Amerikaanse rampe van die 19de eeu. Sowat 300 mense het hulle lewens verloor; ongeveer 9 km van die stad is verwoes en meer as 100,000 inwoners was dakloos gelaat. Die sentrale sakegebied van die stad het tot in die grond afgebrand.

Maar ten spyte van die geweldige finansiële terugslae en die hartseer van hul seun se dood het Horatio Spafford die bietjie finansies wat hy oorgehad het aangewend om die haweloses van Chigago se lewens weer te herstel. Deur sy besighede te herbou het hy ook ’n inkomste aan menigte verskaf. Maar na twee jaar se geswoeg en gesweet het spanning sy tol geëis en sy dokter het aanbeveel dat hy dringend ’n vakansie moes neem. In 1873, skeduleer Spafford ‘n bootrit na Europa saam met sy vrou en vier dogters om vir die eerste keer na al die tragedie ’n kans te kry om te herstel. Hy sou vir hierdie vakansie by sy vriend D.L. Moody aan sluit vir 'n evangelisasie veldtog in Engeland. (Interessante vakansie planne, sou u nie sê nie?)

Onverwagse besigheids verpligtinge het opgeduik maar Horatio het vir sy vrou en dogters oortuig dat hulle nie die vakansie moet kanselleer nie. Hulle sou solank vooruit met die boot na Engeland reis en hy sou volg sodra sy sake afgehandel was. Slegs ’n paar dae later ontvang hy kennis, dat in die grote oseaan, sy familie se skip 'n botsing met ’n nader skip gehad het. Na dae se bekommernis ontvang Horatio uiteindelik ’n telegram van sy geliefde vrou vanuit Engeland. In hierdie telegram was daar slegs twee woorde op getik:

SAVED.... ALONE.

Al vier sy dogters het verdrink; net sy vrou het oorleef. Met die onbeskryflike gebroke hart van ’n pa wat al sy kinders aan die dood afgestaan het klim Horatio Spafford op ’n boot wat hom na sy bedroefte vrou in Engeland sou neem. Op die oseaan, toe hulle min of meer by die ligging kom waar sy kinders gesterf het gaan Horatio Spafford op sy kneë en skryf die volgende woorde:

When peace, like a river, attendeth my way,
When sorrows like sea billows roll;
Whatever my lot, Thou hast taught me to say,
It is well, it is well with my soul.

It is well (it is well),
with my soul (with my soul),
It is well, it is well with my soul.

Though Satan should buffet, though trials should come,
Let this blest assurance control,
That Christ hath regarded my helpless estate,
And hath shed His own blood for my soul.

It is well (it is well),
with my soul (with my soul),
It is well, it is well with my soul.

My sin, oh the bliss of this glorious thought!
My sin, not in part but the whole,
Is nailed to His cross, and I bear it no more,
Praise the Lord, praise the Lord, O my soul!
It is well (it is well),
with my soul (with my soul),
It is well, it is well with my soul.

For me, be it Christ, be it Christ hence to live:
If Jordan above me shall roll,
No pang shall be mine, for in death as in life
Thou wilt whisper Thy peace to my soul.

It is well (it is well),
with my soul (with my soul),
It is well, it is well with my soul.

And Lord haste the day, when my faith shall be sight,
The clouds be rolled back as a scroll;
The trump shall resound, and the Lord shall descend,
Even so, it is well with my soul.

It is well (it is well),
with my soul (with my soul),
It is well, it is well with my soul

Het u die woorde herken? Die komponis Philip Bliss (1838-1876), was so beïndruk met die lewe van Horatio Spafford en die woorde van sy lied dat hy die pragtige musiekstuk getoonset het en ons as Adventiste ook die voorreg gehad om lied nr. 250 in ons liedereboek op te neem. Vir meer as 'n eeu, het die tragiese verhaal van een man se onverskrokke geloof hoop gegee tot talle duisende wat hul stemme verhef om te sing, “dit is wel met my siel.”

Stof tot nadenke....:

Is ons hart en siel so vervul met die Heilige Gees dat ons selfs ten tye van geweldige persoonlike verliese en krisisse nog die nodigheid sal sien om andere in húl tye van nood te versorg? Spafford het 90% van sy besighede verloor en sy enigste seun aan die dood afgestaan en tog het hy nie in totale bitterheid verval en hom onttrek van sy God of van sy samelewing nie.

Verder, is ons hart en siel so vervul met die Heilige Gees dat ons self ten tye van geweldige persoonlike verliese en krisisse nog die Naam van die Here sal aanroep en erken dat saam met Hom is dit nog “wel met my siel”? Klou u en ek nog verbete aan die soom van Christus se kleed vas, ten spyte van terugslae en ten spyte van teleurstellings?

Filippense 4:7-6 haal ons tog met soveel gemak aan: "Wees oor niks besorg nie, maar laat julle begeertes in alles deur gebed en smeking met danksegging bekend word by God. En die vrede van God, wat alle verstand te bowe gaan, sal julle harte en julle sinne bewaar in Christus Jesus.” – ’n Vrede wat alle verstand te bowe gaan... Het ons hierdie innerlike vrede? Weet ons ooit wat hierdie vrede behels? Hierdie is ’n vrede wat ons na smag wanneer ons ’n geliefde begrawe; wanneer ons afgedank word; wanneer ons finansieel steier of wanneer die teleurstellings van die lewe dreig om ons geloof te verpletter... dit is nie ’n aangeplakte, nagemaakte, onnatuurlike voorgee dat ons dapper die stryd aanpak nie. Dit is die vrede van ’n totale gebroke siel wat voor God neerval en sê: “Here ek verstaan nie! Here ek weet nie meer waarheen nie en Here ek kan nie meer voort nie... maar by U is ek veilig. In U krag sal ek weer opstaan en deur U wysheid sal alles ten goede meewerk.... maar laat my toe om vir so rukkie hier op my kneë hier by U voete te huil.”

Morris Venden het geskryf: “Dit is tyd vir sterk mense om agter te kom hoe swak hulle eintlik is – en vir swak mense om agter te kom hoe kosbaar hulle vir God is!”

2 Kronieke 16:9: “Want die oë van die HERE deurloop die hele aarde om diegene kragtig te ondersteun wie se hart onverdeeld op Hom gerig is!” - Wat ’n kosbare belofte! Ons vereer die Here wanneer ons hartseer, uitdagings en selfs teleurstellings na Hom toe bring.

Leer om na die stem van die Here te luister en selfs in die storms sal jy nie verdwaal voel nie! Moet nie die Here onteer deur in Sy beloftes te twyfel nie. Moet nie wankel wanneer teleurstellings kom nie. Wees lief genoeg vir jou Verlosser om getrou te bly tot die dood toe!

Roné Fürstenburg

Kompas Pastorale Bedieninge

http://kompasbediening.wix.com/kompasbediening